ഗംഗാനദിയിൽ ഒഴുകി നടന്ന മരപ്പെട്ടിയിൽ നിന്നും ജീവനുള്ള പെൺകുഞ്ഞിനെ കണ്ടെത്തി. കുട്ടിയുടെ കരച്ചിൽ കേട്ടെത്തിയ വള്ളക്കാരനായ ഗുല്ലു ചൗധരിയാണ് പെട്ടിക്കകത്ത് കിടക്കുന്ന പെൺകുഞ്ഞിനെ കണ്ടെത്തിയത്. ചുവന്ന തുണിയിൽ പൊതിഞ്ഞ് ഹിന്ദു ദൈവത്തിൻ്റെ പടം കൊണ്ട് അലങ്കരിച്ച പെട്ടിയിലാണ് 21 ദിവസം മാത്രം പ്രായമുള്ള പെൺകുഞ്ഞിനെ കിടത്തിയിരുന്നത്. നദിയിൽ നിന്നും തീരത്തേക്ക് പെട്ടി അടുപ്പിച്ച ശേഷം തുറന്നപ്പോഴാണ് കുട്ടിയെ കണ്ടെത്തിയത്. പെട്ടിക്കുള്ളിലെ കുഞ്ഞിനെ കണ്ട ഉടൻ തന്നെ കുഞ്ഞിനെ കൈകളിൽ കോരിയെടുത്ത് ആശുപത്രിയിൽ കൊണ്ടുപോയി.
കുട്ടി ആരോഗ്യത്തോടെയിരിക്കുന്നതായും ആശുപതിയിൽ നിന്നും ഡിസ്ചാർജ് ചെയ്തതായുമാണ് വിവരം. കുട്ടിയെ സാമൂഹിക കേന്ദ്രങ്ങളിലേക്ക് മാറ്റി. കുട്ടിയുടെ കരച്ചിൽ കേട്ടെങ്കിലും പലരും അത് അവഗണിച്ചു പോയി. എന്നാൽ കുട്ടിയെ രക്ഷിക്കാനായി ചൗധരി ഓടിയെത്തുകയായിരുന്നു.കുട്ടിയെ ഒഴുക്കിവിട്ട പെട്ടിയിൽ കുട്ടിയുടെ ജാതകവും ജനനസമയവും ജനനത്തീയ്യതിയും രേഖപ്പെടുത്തിയിരുന്നു. കുട്ടിയുടെ പേര് ‘ഗംഗ’ എന്നും പെട്ടിയിൽ എഴുതി വച്ചിരുന്നു. കുട്ടി എങ്ങനെയാണ് വെള്ളത്തിൽ വന്നതെന്ന് പോലീസ് അന്വേഷണം ആരംഭിച്ചിട്ടുണ്ട്.ഏവരും ഭയന്ന് എടുക്കാൻ മടിച്ചപ്പോൾ ഈ വള്ളക്കാരൻ എടുത്തു, തുറന്നു നോക്കിയപ്പോൾ കണ്ട കാഴ്ച.ഏവരും ഭയന്ന് എടുക്കാൻ മടിച്ചപ്പോൾ ഈ വള്ളക്കാരൻ എടുത്തു, തുറന്നു നോക്കിയപ്പോൾ കണ്ട കാഴ്ച.
