മിനിസ്‌ക്രീന്‍ പ്രേക്ഷകരുടെ സ്വന്തം താരമാണ് തങ്കച്ചന്‍. തിരുവനന്തപുരം വിതുര സ്വദേശിയാണ് അദ്ദേഹം. ഫ്‌ളവേഴ്‌സ് ചാനലിലെ സ്റ്റാര്‍ മാജിക് പരിപാടിയിലെ സ്ഥിരം താരങ്ങളിലൊരാള്‍ കൂടിയാണ് തങ്കുവെന്ന തങ്കച്ചന്‍. ചിരിപ്പിക്കുകയും ചിന്തിപ്പിക്കുകയും ചെയ്യുന്ന സ്‌കിറ്റുകളുമായാണ് തങ്കു എത്താറുള്ളത്. പ്രേക്ഷകര്‍ ഹൃദയത്തിലേറ്റിയ പല കഥാപാത്രങ്ങളേയും തങ്കു അനുകരിക്കാറുണ്ട്. താരങ്ങള്‍ വരെ തങ്കുവിന്റെ അനുകരണത്തിന് കൈയ്യടിക്കാറുമുണ്ട്. സ്റ്റാര്‍ മാജിക് അവതാരകയായ ലക്ഷ്മി നക്ഷത്രയ്‌ക്കൊപ്പമെ ത്തിയപ്പോഴാണ് തങ്കു വിവാഹത്തെക്കുറിച്ചും പ്രതിശ്രുത വധുവിനെക്കുറിച്ചും സംസാരിച്ചത്. നാളിത്രയായിട്ടും ജീവിതത്തിലേക്ക് ഒരാളെ കൂടെക്കൂട്ടാന്‍ തോന്നിയിട്ടില്ലേയെന്ന് തങ്കുവിനോട് എല്ലാവരും ചോദിച്ചിട്ടുണ്ട്. വീട്ടില്‍ താന്‍ മാത്രമാണ് അവിവാഹിതന്‍, സഹോദരങ്ങളെല്ലാം വിവാഹിതരായി കുടുംബമായി ജീവിക്കുന്നവരാണ്. മന:പ്പൂര്‍വ്വമായി വേണ്ടെന്ന് വെച്ചതല്ല, എന്തൊക്കെയോ കാരണങ്ങളാല്‍ വിവാഹം നടക്കാതെ പോവുകയായിരുന്നു എന്നാണ് മുന്‍പ് തങ്കു പറഞ്ഞത്.
വൈകാതെ തന്നെ താന്‍ വിവാഹിതനായേക്കുമെന്ന് അടുത്തിടെ അദ്ദേഹം പറഞ്ഞിരുന്നു. ലക്ഷ്മി നക്ഷത്രയ്‌ക്കൊപ്പമുള്ള വീഡിയോയിലും തങ്കു വിവാഹത്തെക്കുറിച്ച് പറയുന്നുണ്ട്. തങ്കുവിനൊപ്പമുള്ള ഒരു ദിവസം എന്ന ക്യാപ്ഷനോടെ മൂന്ന് പാര്‍ട്ടായാണ് ലക്ഷ്മി വീഡിയോ പോസ്റ്റ് ചെയ്തത്. തങ്കുവിന്റെ വിവാഹം, തങ്കൂനും ചിലത് പറയാനുണ്ട് എന്ന ക്യാപ്ഷനോടെയായിരുന്നു മൂന്നാമത്തെ വീഡിയോ ലക്ഷ്മി പോസ്റ്റ് ചെയ്തത്. തങ്കൂന്റെ വിവാഹത്തെക്കുറിച്ച് എനിക്ക് അറിയാം, വീഡിയോ കോളിലൂടെ എനിക്ക് ആളെ കാണിച്ച് തന്നിട്ടുണ്ടെന്നും ലക്ഷ്മി പറഞ്ഞിരുന്നു. തങ്കുവിന്റെ കല്യാണം ഉടനുണ്ട്, ചില സര്‍പ്രൈസുകളൊക്കെ പ്ലാന്‍ ചെയ്തിട്ടുണ്ട്.അത് ആരാണെന്ന് എനിക്കറിയില്ല, എന്നെ കാണിച്ച് തന്നിട്ടുണ്ടെന്നായിരുന്നു ലക്ഷ്മി പറഞ്ഞത്. പേര് പറയട്ടെയെന്ന് ചോദിച്ചപ്പോള്‍ വേണ്ടെന്നായിരുന്നു തങ്കുവിന്റെ മറുപടി.
ഇപ്പോള്‍ എനിക്ക് അതേക്കുറിച്ച് പറയാനുള്ള അനുമതിയില്ല, ലവ് കം അറേഞ്ച്ഡ് മാര്യേജാണ്. അത് ആ സമയത്ത് തീര്‍ച്ചയായും നിങ്ങളേയും അറിയിക്കും. ആരാണ് പുള്ളിക്കാരിയെന്നത് എനിക്കറിയാം. അനുവാദമില്ലാതെ ഞാനത് പറയുന്നില്ല. സ്റ്റാര്‍ മാജിക് ഫ്‌ളോറില്‍ ഗ്യാപുള്ള സമയത്തൊക്കെ ഞങ്ങള്‍ പാടാറുണ്ട്. ചിലപ്പോള്‍ മൈക്ക് ഓണായിരിക്കും. അവിടിരുന്ന് ഒരുമിച്ചങ്ങ് പാടും. തങ്കു ഭയങ്കര കെയറിങ്ങാണെന്നും ലക്ഷ്മി പറഞ്ഞിരുന്നു. 4 ലക്ഷത്തിലധികം പേര് ഇതിനകം തന്നെ ഇവരുടെ വീഡിയോ കണ്ടുകഴിഞ്ഞിട്ടുണ്ട്. തങ്കുവിനൊപ്പമുള്ള ചിന്നുവിന്റെ വ്‌ളോഗ് ശരിക്കും ഇഷ്ടമായി. ടീമേ ശരിയായി പോയി എന്ന് പറഞ്ഞ് ബിനീഷ് ബാസ്റ്റിനും എത്തിയിരുന്നു. തങ്കുവും ചിന്നുവും നല്ല കെമിസ്ട്രിയാണ്, രണ്ടാളും ഒന്നിച്ചുള്ള വീഡിയോ കിടുക്കിയെന്നായിരുന്നു ആരാധകരുടെ കമന്റുകള്‍. 4 വര്‍ഷത്തെ പരിചയമുണ്ട് തങ്കുവിനെ ഇന്നുവരെ തങ്കു ദേഷ്യപ്പെട്ട് കണ്ടിട്ടില്ലെന്ന് ലക്ഷ്മി പറഞ്ഞപ്പോള്‍ പൊതുവെ താനാരോടും ദേഷ്യപ്പടാറില്ല,
ആരേയും വിഷമിപ്പിക്കുന്നത് ഇഷ്ടമില്ലെന്നായിരുന്നു തങ്കുവിന്റെ മറുപടി. മിനി സ്‌ക്രീനിൽ തിരുവനന്തപുരം വിതുര സ്വദേശിയാണ് തങ്കച്ചന്‍. കുട്ടിക്കാലം മുതല്‍ക്കേ പാട്ടും മിമിക്രിയും ഡാന്‍സുമെല്ലാം ഏറെ ഇഷ്ടത്തോടെ താരം കൂടെകൂട്ടി. മിനിസ്‌ക്രീനില്‍ സാന്നിധ്യമറിയിച്ചു തുടങ്ങിയപ്പോള്‍ മുതല്‍ക്കേ തങ്കച്ചനെ പ്രേക്ഷകര്‍ ശ്രദ്ധിച്ചു തുടങ്ങി. പിന്നീട് തങ്കു എന്ന ചെല്ലപ്പേരിൽ പ്രേക്ഷകർ നടനെ വിളിക്കാൻ തുടങ്ങി. സാമ്പത്തിക ബുദ്ധിമുട്ടുകൾ വളരെയുണ്ടായിരുന്നു ഒരു കാലമുണ്ട് തനിക്കെന്ന് മനോരമയ്ക്ക് നൽകിയ അഭിമുഖത്തിൽ തങ്കച്ചൻ പറഞ്ഞിട്ടുണ്ട്. മൺകട്ട കൊണ്ട് പണിത ഒരു ചെറിയ വീട്. ഒൻപത് ജീവിതങ്ങൾ ആണ് അതിനുള്ളിൽ കഴിഞ്ഞതെന്നും തങ്കു പറഞ്ഞിട്ടുണ്ട്.
